Powered by Blogger.


කොරියානු  දේශයේ ශ්‍රී ලාංකිකයින් වෙනුවෙන් ඉදිවන ප්‍රථම  විහාරස්ථානය ඉදිකිරිමේ කටයුතු ආරම්බ කරමින් මංගල ශිලා ප්‍රතිෂ්ථාපනය කිරිමේ අයිතිහාසික අවස්ථාව  මැයි මස 4 වන දින සවස 2 ට පැවැත්වෙන බව සදහම් මිතුරෝ සංවිධානය පවසයි.




විශ්‍රාම ගියත් වැඩ
බස්නාහිර පළාත් සභාවේ අනුමත සේවක සංඛ්‍යාවේ නැති නියෝජ්‍ය  අධ්‍යාපන අධ්‍යක්ෂ (අධ්‍යාපන) තනතුරේ කටයුතු කළ විශ්‍රාමික නිලධාරියා ඉල්ලා අස්වූ බවට බස්නාහිර පළාත් ආණ්ඩුකාර කාර්යාලයයෙන් ලිඛිතව දන්වා තිබිය දී ඔහු අදත් (23) ගුරුමාරු ලිපිවලට අත්සන් තබා ඇතැයි ලංකා ගුරු සංගමය කියයි.
නියෝජ්‍ය අධ්‍යාපන ලේකම් ලෙස කාලයක් කටයුතු කළ එම නිලධාරියා පසුගිය ජනවාරි 07 වැනි දා විශ්‍රාම ගියත් ඔහුට සේවා දිගුවක් දී තිබුණු බවත්, නියෝජ්‍ය අධ්‍යාපන ලේකම් ලෙස තනතුරක් අනුමත සේවක සංඛ්‍යාවේ නැති බවත්, ගුරු සංගම් පැමිණිලි කරද්දී ඔහු නියෝජ්‍ය අධ්‍යාපන අධ්‍යක්ෂ ලෙස වෙනත් තනතුරක පිහිටවූ බවත්, එවැනි තනතුරක් ද අනුමත සේවක සංඛ්‍යාවේ නැති බවත් ගුරු සංගම් ලේකම් ජෝසප් ස්ටාලින් මහතා පවසයි.
  පළාත් ආණ්ඩුකාර ලේකම් කාර්යාලයයේ පරිපාලන නිලධාරී ජේ සී ජයලාල් මහතා අප්‍රේල් 08 වැනි දා ලිඛිතව දැනුම් දී ඇත්තේ එම නිලධාරියා ඉල්ලා අස්වී ඇති බවයි.


ඉතාලි ආර්ථිකයෙන් ඉතාලි පාතාලයටත් වදී
ඉතාලියේ ආර්ථික අවපාතයෙන් එරට පාතාල නායකයින් හා ඔවුන්ගේ කල්ලි වල සාමාජිකයින්ද පීඩා විදිමින් සිටින්නේයැයි හෙළිවී තිබේ.
සිරගත කර සිටින ඉතාලියේ ප‍්‍රකට මාෆියා කල්ලියක් වන කොස් නොස්ට‍්‍රා හි නායක ජියෝවානි ඩි ගියාකොමෝ තම හිතවතෙකු හා සිදුකර ඇති සංවාදයකදී ඔහු තම කල්ලියේ තරුණ සාමාජිකයින්ට සැබෑ රැකියාවක් සොයාගැනීමට කාලය පැමිණ තිබෙන්නේයැයි පැවසූ බව එම සංවාදයට රහසේ සවන්දී ඇති ඉතාළි බළධාරීහු කියති.
ආර්ථික අවපාතය නිසා හෝටල හා වෙනත් ව්‍යාපාරික ස්ථාන එකක් පසු පස එකක් බැගින් වැසී යන වාතාවරණයක් අතිව තිබෙන හෙයින් කල්ලියේ පැවැත්මට කප්පම් ගැනීමත් අපහසුවී ඇතැයිද නායක ගියාකොමෝ තම හිතවතා සමග පැවසූ බව ඔවුහු පවසති.
පොලිස් තොරතුරු වලට අනුව කොස් නොස්ට‍්‍රා මාෆියා කල්ලිය ඇතුළු කල්ලි බොහෝමයක් ඉතාලියේ වත්මන් ආර්ථික වාතාවරණය හමුවේ තම සාමාජිකයින්ගේ වියදම් කපා හැරීමට කටයුතු කර තිබේ.ඒ කෙසේවුවත් කල්ලි නායකයින් නම් තවමත් සුඛෝපභෝගි දිවි පෙවෙත් ගත කරමින් සිටින බව සදහන්ය.


බෝතල මුඩිය රන් පොල්ලක් වේ
බඩ රුජාවක් යැයි කියමින් රෝහලට ඇතුළත්වූ 63 හැවිරිදි පුද්ගලයෙකුගේ බඩෙහි තිෙබී රන් පොලූ 12 ක් සොයාගැනීමට ඉන්දියාවේ දිල්ලි නුවර රෝහලක වෛද්‍යවරු සමත්වූහ.
බිරිද තමන් සමග කළහ කරගැනීම නිසා ඇයගේ සිත රිදවීමට තමන් බෝතල් මූඩියක් ගිල්ලේ යැයිද එය ගිල දැමූ වේලාවේ පටන් බඩ රිදීමට පටන්ගත්තේයැයිද මෙම පුද්ගලයා වෛද්‍යවරුන්ට පවසා තිබේ.
වහාම එක්ස් රේ කිරණ පරීක්ෂාවක් සිදුකර ඇති වෛද්‍යවරුන්ට ඔහුගේ කුසයේ බෝතල් මූඩියක් තිබෙන බවක් නම් හදුනාගත නොහැකිව ඇත.ඒ වෙනුවට එක්ස් රේ පටයේ සටහන් වී ඇත්තේ කුසෙහි රැදී තිබෙන බවක් පෙනුනු පටියක් වැනි ව්‍යුහයකි.
ඒ කුමක්දැයි සොයාබලා එය ඉවත් කර දැමිමට එම පුද්ගලයාගේ උදරය කපා සැත්කමක් සිදුකර ඇති වෛද්‍යවරුන් පිරිස මවිතයට පත්ව ඇත්තේ උදරයේ රැදී තිබුණු රන් පොල්ලක් දැකීමෙනි.එය ඉවතට ගැනීමට යාමේදී එකක් පසුපස එකක් බැගින් රන් පොලූ දොළහක්ම සොයාගැනීමට හැකිවීම වෛද්‍යවරු පිරිස මවිතයෙන් මවිතයට පත්කිරීමට සමත්ව ඇත්තේය.
මේ සම්බන්ධයෙන් වහාම පොලිසිය දැනුම්වත් කිරීමට රෝහල් පාලනාධිකාරය කටයුතු කර ඇත.රන් පොලූ තොගය දැන් තිබෙන්නේ පොලිස් භාරයේය.
එක් රන් පොල්ලක් ග‍්‍රෑම් 33 ක් පමණ බරකින් යුතු වන්්නේයැයි සදහන්ය.
සැත්කමින් පසු සුවය ලබමින් සිටිනා ‘‘බෝතල් මූඩියකැයි වැරදීමකින් රන් පොලූ ගිල දැමූ‘‘ පුද්ගලයාගෙන් ප‍්‍රශ්න කිරීමට පොලිසිය සූදානමින් සිටී.

දෙවැනි මිහිකත ආලෝක වර්ෂ 490 ඈතින්
වසර ගණනාවක් සිදුකළ පර්යේෂණ වල ප‍්‍රතිඵලයක් ලෙස ප‍්‍රථම වතාවට පෘථිවිය හා ප‍්‍රමාණයෙන් සමාන වන හා ජීවය පැවතිය හැකි බව ‘‘දෙවැනි පෘථිවියක්‘‘ සොයාගැනීමට ඇමරිකා ගුවන් හා ගගන පර්යේෂණායතනයේ තාරකා ශාස්ත‍්‍රඥයෝ සමත්ව ඇත්තාහ.
අප සෞරග‍්‍රහ මණ්ඩලයේ සිට ආලෝක වර්ෂ 490 ක දුරින් පිහිටන වෙනත් ග‍්‍රහ මණ්ඩලයකට අයත් මෙම ග‍්‍රහයා හදුන්වාදී තිබෙන්නේ කෙප්ලර් 186එෆ් ලෙසය.පෘථිවිය මෙන් 1.1 ගුණයක් විශාල වන කෙප්ලර් 186එෆ් මතුපිට ජීවය පැවතීමටත් ඉහළ සම්භාවිතාවක් තිබෙන්නේයැයි ඔවුහු මත පළ කරති.
එහි මව් තාරකාව වන කෙප්ලර් 186 ලෙස නම් කර ඇති තාරකාව වටා භ‍්‍රමණය වෙමින් පවතින මේ ග‍්‍රහයා පෘථිවිය සේම මව් ග‍්‍රහයාට වැඩි දුරකින් හෝ වැඩි ළගකින් නොව අතරමැදි දුරකින් පිහිටන්නේයැයිද මේ කරුණ ග‍්‍රහයෙකු මත ජීවය පැවතීමට විශේෂයෙන් බලපාන්නේයැයිද ඔවුහු පෙන්වාදෙති.
මෙය සරලවම පැහැදිලි කරතොත් කිසියම් ග‍්‍රහයෙක් මව් තාරකාවට ඉතා ළගින් පිහිටන්නේ නම් තාරකාවෙන් නිකුත් වන අධික උණුසුම නිසා එය මත ජීවය පැවතීමට ඉඩක් නැත.අනෙක් අතට මව් තාරකාවට ඉතා ඈතින් පිහිටන ග‍්‍රහයෙකු මතද ජීවය පැවතීමටත් ඉඩක් නැති අතර එයට හේතු වන්නේ එවැනි ග‍්‍රහයෙකු මත උෂ්ණත්වය ඉතා අවම වීමයි.
පෘථිවිය සූර්යයාගේ සිට අතරමැදි දුරකින් පිහිටන හෙයින් අතරමැදි උෂ්ණත්වයක් ලබන අතර මෙය පෘථිවිය මත ජීවය ඇතිවීමට ප‍්‍රබල සාධකයක් ලෙස විද්‍යාඥයින් හදුනාගෙන තිබේ.
මේ හා සමානවම කෙප්ලර්186එෆ් ද පිහිටන්නේ එහි මව් තාරකාවේ සිට අතරමැදි දුරකිනි.
ඒ කෙසේ වුවත් ජීවය ඇතිවීමට අවශ්‍ය වන ප‍්‍රබලතම සාධකය වන ජලය කෙප්ලර් 186එෆ් මත පවතින්නේදැයි තවමත් අනාවරණය කරගෙන නොමැත.
මෙය ඉතා වැදගත් සොයාගැනීමක් ලෙස විද්‍යාඥයින් සළකනු ලබන්නේ කෙප්ලර් 186එෆ් මේ දක්වා සොයාගැනීමට හැකිව ඇති ජීවය පැවතීමට ඉහළ සම්භාවිතාවක් තිබෙන පෘථීවිය හා ප‍්‍රමාණයෙන්ද සමාන වන ප‍්‍රථම ග‍්‍රහයා නිසාය.
2018 දී නාසා ආයතනය අභ්‍යාවකාශයට යැවීමට බලාපොරොත්තුවෙන් සිටින ජේම්ස් වෙබ් අභ්‍යාවකාශ දුරදක්නයෙන් ග‍්‍රහයා සම්බන්ධ වැඩිදුර තොරතුරු සොයාගැනීමට හැකිවනු ඇතැයි විද්‍යාඥයෝ කියති.
තාක්ෂණයේ දියුණුවත් සමග තවත් වසර 20 ක් පමණ ගතවූ තැන ජීවය පවතින්නේයැයි ස්ථීර කොටම කිව හැකි ග‍්‍රහලෝකයක් නිසැකවම සොයාගැනීමට හැකිවේයැයි ඔවුහු මත පළ කරති.

උල්කාපාතයක්ද?මිසයිලයක්ද?
පෘථිවි වායුගෝලයට ඇතුළුවුණු උල්කාපාතයක් ඇස් නිලංකාර වන තරමේ එළියක් නිකුත් කරමින් පුපුරා යනු දැක්වෙන වීඩියෝවක් අන්තර්ජාලයට එක්කෙරී තිබේ.වීඩියෝව පටිගත කර ඇත්තේ රුසියාවේදීය.
ඇතැමුන් සැක කරන්නේ මෙය උල්කාපාතයක් නොව රුසියාව අත්හදා බැලූ මිසයිලයක් බවයි.තවත් අය මේ පිටසක්වල යානයකැයි කියයි.
නමුත් 2013 වසරේ රුසියාවට ඉහළ අහසේ පුපුරා ගිය උල්කාපාතය හා මෙම අවස්ථාව සන්සන්දනය කර ඇති විද්‍යාඥයින් මෙයත් උල්කාපාතයක පිපිරීමක් ලෙස හදුන්වාදී තිබේ.
පෘථිවියේ ගුරුත්වාකර්ෂණ බලයට හසුව පෘථිවිය වෙතට ඇදී එන අභ්‍යාවකාශයේ නිදහසේ පාවෙමින් තිබෙන පාෂාණ වැනි ද්‍රව්‍යයන් උල්කාපාත ලෙස හැදින්වේ.මේවා පෘථිවියේ වායුගෝලය හා ගැටෙන විට ඇතිවන ඝර්ෂණය නිසා ගිනි ගන්නා අතර එවිට මහත් ආලෝකයක් විහිදේ.සාමාන්‍ය ප‍්‍රමාණයේ උල්කාපාතයක් නම් වායුගෝලයේදීම ගිනි ගෙන කැබලි වී විනාශව යන අතර ප‍්‍රමාණයෙන් විශාල එකකට නම් පෘථිවිය මතටම පතිත වී මහත් විනාශයක් සිදුකළ හැකි බව විද්‍යාඥයින් කියයි.



0 comments

Post a Comment

මෙතෙක් අය ආපු අය

දැන් ඉන්න අය