Powered by Blogger.

අවුරුදු උත්සවයක නිවේදන කටයුතු කළ තරුණයකු සිය මවට ද ඇන්ටි කියා ආමන්ත‍්‍රණය කරමින් තෑගි ප‍්‍රදානය කිරීම සඳහා ඇරියුම් කළ පුවතක් අගනුවරට ආසන්න ප‍්‍රදේශයකින් අසන්නට ලැබේ.

එය ප‍්‍රදේශයේ වැඩිහිටියන්ගේ අනුශාසනා යටතේ තරුණ පිරිසක් විසින් මෙහෙයවනු ලැබූ අවුරුදු උත්සවයකි. කෙසේ වෙතත් තරගවල ජයග‍්‍රාහකයන්ට ත්‍යාග ප‍්‍රදානය කිරීම සඳහා වැඩිහිටියන්ට ආරාධනා කිරීමට ඔවුන් විසින් පියවර ගෙන තිබිණි.

නිවේදන කටයුතු කළ තරුණයා ඒ සඳහා ඔවුන්ට ආරාධනා කළේ ඔවුන්ගේ නම අගට අංකල් හෝ ඇන්ටි වශයෙන් යෙදීමෙනි. බොහෝ දෙනා තමන් දන්නා හඳුනන අසල්වැසි අය වූ බැවින් එසේ ඇමතීමට ඔහු තීරණය කළා විය හැකිය. ඊළඟට එළැඹියේ කණා මුට්ටිය බිඳීමේ තරගයේ ජයග‍්‍රාහකයාට ත්‍යාග පිරිනැමීමේ අවස්ථාවයි. ඔව්, මා මීළඟට කණා මුට්ටිය බිඳීමේ ජයග‍්‍රාහකයාට ත්‍යාග ප‍්‍රදානය කිරීම සඳහා ආරාධනා කර සිටිනවා අපගේ සමන්මලී ඇන්ටීට.

නිවේදක තරුණයා එසේ ආමන්ත‍්‍රණය කළේ ඔහුගේ මවට බැව් දන්නා එහි සිටි බොහෝ දෙනකු විමතිය පළකළ අතර ඇතැමෙක් හඬ නඟා සිනාසුණහ. කෙසේ වෙතත් ආරාධිතාව කිසිදු වෙනසක් නොපෙන්වමින් ගොස් ත්‍යාග පිරිනැමීමේ කටයුත්ත සිදු කළාය.

0 comments

Post a Comment

මෙතෙක් අය ආපු අය

දැන් ඉන්න අය