Powered by Blogger.


ගිරවා මිනිසුන්ගේ වචන අනුකරණයට බොහොම රුසියෙක්‌. නමුත් බොහෝ දෙනෙක්‌ කියන්නේ ගිරවුන් ශබ්දය අනුකරණය කරනවා මිස බුද්ධියෙන් මෙහෙයවීමක්‌ නොමැති බවයි.

නමුත් අග්‍රා නගරයේ මිනීමැරුමක්‌ සම්බන්ධයෙන් ගිරවෙකුගේ සාක්‌ෂිය විශාල මෙහෙයක්‌ ඉටු කළා. විජය ශර්මා දිනපතා ප්‍රකාශිත හින්දු පත්‍රයක කතුවරයෙක්‌. දවසක්‌ හවස රාජකාරිය හමාරව නිවසට පැමිණි ඔහුට තමා දුටු දර්ශනයෙන් ජීවිතයම නැවතුනා වගේ දැනුණා.

තමන්ගේ බිරිඳත් නිවසේ සිටි බල්ලත් මරා දමා මුදල් සහ රත්රන් ආභරණ සියල්ලම රැගෙන ගොස්‌ තිබුණා. පොලිසියට පැමිණිලි කළත් සාක්‌ෂි නැති හින්දා අපරාධකරුවන් සොයා ගන්න අපහසු වුණා.

ඔවුන්ගේ නිවසේ ඇති දැඩි වුන සුරතල් ගිරවා "හර්කියුල්" ....අපරාධකරුවන් නිවසේ සිටි බල්ලා මරා දැම්මත් හර්කියුල් ගැන එතරම් තැකීමක්‌ කළේ නැහැ. මේ නිවසට නිතරම ආවා ගිය ඔවුන්ගේ බෑණා ගැන ශර්මාට නම් සැකයක්‌ තිබුණේ නැහැ. නමුත් අප්‍රකෝෂ් ෂර්මා කියන නම ඇසෙන හැම වාරයකම හර්කියුල් "උස්‌තේ මාරා", "උස්‌තේ මාරා" කියන්න පටන් ගත්තා. ඒ කියන්නේ ඔහු මැරුවා යන හින්දි බසින් එන වචනයක්‌.

බෑණා ගැන සැක නොකළත් හර්කියුල්ගේ කියමනටත් ප්‍රතිචාර දක්‌වන්න උවමනා නිසා විජය ශර්මා පොලිසියට පැමිණිලි කළා. අප්‍රකෝෂ් අත්අඩංගුවට අරගෙන සිදු කළ පාපොච්චාරණයේදී හෙළි වුණේ අප්‍රකෝෂ්a තමන්ගේ මිතුරු රොනි සමග විත් සිය නැන්දනිය මරා දමා නිවසේ මුදල් සහ රන්ආභරණ කොල්ලකෑ බවයි. බල්ලා ගැන මොවුන්ගේ අවධානය යොමුවුණත් ගිරවා මෙච්චර හරියක්‌ කරාවි කියලා අප්‍රකෝෂ් හිතුවෙ නැහැ.

0 comments

Post a Comment

මෙතෙක් අය ආපු අය

දැන් ඉන්න අය