Powered by Blogger.


චීන රජයේ දේශපාලන මණ්ඩලයේ මධ්‍යම කමිටුවේ සාමාජික  සහ ආරක්ෂක  මධ්‍යම කමිටුවේ උප සභාපතිවරයා වන ජනරල් සූකී  ලියෑන්ගේ  නායකත්වයෙන් යුත් ඉහළ පෙළේ චීන දූත පිරිසක්  සතියක නිල සංචාරයක් සඳහා දිවයිනට පැමිණියහ.
කටුනායක බණ්ඩාරනායක ජාත්‍යන්තර ගුවන්තොටුපොළේදී ආරක්ෂක මාණ්ඩලික ප්‍රධානී ජනරාල් ජගත් ජයසුරිය මහතා ඇතුලූ ත්‍රිවිධ හමුදාපතිවරුන් විසින් මොවුහු ඉතා උනුසුම් අන්දමින් පිළිගනු ලැබුහ.
මොවුහු  කාමිබෝජය හා  බංගලාදේශයේ සංචාරය කර අවසානයේ  ශ්‍රී ලංකාවේ සංචාරය සඳහා  පැමිණ ඇත.
මොවුන්ගේ සංචාරය සඳහා සියළු පහසුකම්  ශ්‍රී  ලංකා ගුවන් හමුදාව විසින් සපයන අතර  ඔවුන් මෙරට රැඳී සිටින කාලය  තුළ ජනාධිපති මහින්ද රාජපක්ෂ මහතා ඇතුලූ රාජ්‍ය ආරක්ෂක හා නාගරික සංවර්ධන අමාත්‍යාංශයේ ලේකමි ගෝඨාභය රාජපක්ෂ,  ආරක්ෂක මාණ්ඩලික ප්‍රධානී ජගත් ජයසුරිය,  හමදාපති මේජර් ජනරාල් දයා රත්නායක, නාවික හමුදාපති අද්මිරාල් ජයනාත් කොළඹගේ සහ ගුවන් හමුදාපති එයාර් මාර්ෂල් කෝලිත ගුණතිලන යන මහත්වරුන්ව නිල වශයෙන්  හමුවීමට නියමිතය.

මීට අමතරව මෙම පිරිස ශ්‍රී  දළදා මාළිගාව, ශ්‍රී  ලංකා ග්‍රවන් හමුදා විද්‍යා පීඨය, චීනවරාය කඳවුර, ශ්‍රී ලංකා නාවික සාගර විශ්ව විද්‍යාලය, ත්‍රිකුණාමලය ගුවන් හමුදා මුලික කඳවුර, කොළඹ වරාය, ඇතුළු ස්ථාන රැසක සංචාරය කිරීමට  නියමිතය.


0 comments

Post a Comment

මෙතෙක් අය ආපු අය

දැන් ඉන්න අය