Powered by Blogger.


වායුගෝලයේ ඇති කාබන්ඩයොක්සයිඩ් ප්‍රමාණය 2050 වර්ෂය වනවිට අතිවිශාල ලෙස ඉහළ යාමේ හේතුවෙන් ලෝකයේ ආහාරවල අන්තර්ගත තුත්තනායගම් හෙවත් සින්ක් සහ යකඩ යන මුලද්‍රව්‍යයන්හි වෙනස්කම් ඇතිවේයැයි පර්යේෂකයෝ අනතුරු හඟවති.
ඇමෙරිකාවේ හාවර්ඩ්හි මහජන සෞඛ්‍ය විද්‍යායතනය විසින් කරන ලද නව අධ්‍යයනයකින් මේ බව හෙළිවී ඇත. ඔවුන් පවසන්නේ පැලෑටිවල මේ පෝෂ්‍ය කොටස් සාන්ද්‍රතාව අඩුවෙමින් පවතින බවයි.
දැනට සොයාගෙන ඇති දත්ත අනුව ලෝක ජනගහනයෙන් කෝටි 200ක් පමණ තුත්තනායගම් සහ යකඩ ඌනතාවයෙන් පෙලෙති. මේ හේතුවෙන් ඇතිවන මන්දපෝෂණයෙන් ලොව පුරා වසරකට මියයන සංඛ්‍යාව කෝටි ලක්ෂ 630කි.
ආහාරයේ අඩංගු පෝෂ්‍ය කොටස් හිඟවීම සැළකිය යුතු සෞඛ්‍ය තර්ජනයක් බවත් එයට හේතුව දේශගුණික විපර්යාසය බවත් හාර්වඩ් මහජන සෞඛ්‍ය විද්‍යායතනය කරන ලද පරීක්ෂණ වාර්තාවේ දක්වා ඇත.
පළමුව වායු ගෝලයේ කාබන්ඩයොක්සයිඩ් ප්‍රතිශතය වැඩිවිම පාලනය සඳහා විසඳුම් දිය යුතුය. මෙයට හේතුවක් ලෙස පර්යේෂණයේ ප්‍රධානී විද්‍යාඥ සැමුවෙල් මයර්ස් පවසන්නේ කාර්මික විප්ලවය මගින් මානව පෝෂණය වෙත තර්ජන එල්ල වී ඇති බවයි.


0 comments

Post a Comment

මෙතෙක් අය ආපු අය

දැන් ඉන්න අය